Vestmannabjørgini við Skúvadal - Sjóferðir

Sjóferðir bjóða fram eina røð av spennandi útferðum við báti. Eitt nú ber til at leiga bátarnar til Mykines, Koltur, Skúvoy, Svínoy ella okkurt annað stað í Føroyum.

Men best umtóktur er túrurin undir Vestmannabjørgini. Onga aðrastaðni kanst tú á sama hátt uppliva djúpar holur, smøl sund og drangar við einum fjølbroyttum fuglalívi - og so tað steyrrætta bergið, sum fer næstan 700 metrar beint uppí loft, alt á einum stað.

Um summarið ber til at fara útferðir við bátum okkara, sum sigla fleiri túrar hvønn dag, um viðrar.

Vit sigla fram við kópalátrum og bygdini Slættanes, har ongin hevur búð síðani mitt í 1960unum, men har fleiri hús kortini standa enn.

Í gjónni Seyðskoragjógv leggja vit stilt eina løtu og njóta stórfingnu náttúruna.

Túrurin er sera vælegnaður til familjur, arbeiðspláss ella til tey sum hava útlendskar gestir, og fegin vilja vísa Føroyar fram, tá tær eru vakrast.

Soleiðis bíleggur tú pláss:
Best er at bíleggja pláss frammanundan. Vel rætta dagin í kalendaranum høgru megin, tá koma eisini fram aðrir upplýsingar so sum prísur og fráferðartíðir.

Túrurin varar umleið tveir tímar.

Takið heit klæði við!